Кураш
Абдулҳамид Чўлпон

Бақиргувчи, ўкиргувчи бир товуш
Ботирларнинг жон сўраган товшидир.
Йиқитгувчи, ағдаргувчи қўзғалиш
Яқиндаги зўр курашнинг бошидир.

Тентаклардек борар ерин билолмай,
Унда-бунда ўзни урган душмандир.
Кенг юракда тура олмай, сиғолмай
Тошиб кетган йўқсилдаги имондир.

Улуғ, қаттиқ ағдаргувчи бир кураш,
Yo бор бўлиш, ё йўқ бўлиш:
– Йўқ яраш!..

Тошкент. 1921, 8-март

— Source: ҳттпс://wikisource.орг/wiki/Кураш. Downloaded from uzbekai.com.