Улуғ йўловчига
Абдулҳамид Чўлпон

А.М. руҳига
«Дунёга ишлар учунгина келганман»

(Ўз сўзи)

Боқчаларда гуллар сўлди, сезмадим,
Ўстирганлар етим бўлди, сезмадим,
Кўнгилларга қора тўлди, сезмадим,
Сездим сенинг кетганингни кўнгилдан…

Кетган йўлинг йироқ йўлдир, кети йўқ,
Бошланиши: қуруқ ва кенг бир бўшлиқ,
Тугалиши: яна чексиз бир йўқлик,
Бироқ қайтмоқ йўқдир тушган йўлингдан…

Кетдинг, бироқ изларингда кўз қолди,
Тилларингда айтилмаган сўз қолди,
Ўксиз бўлиб ётлар эмас, «ўз» қолди,
Чуқур маъно истаб эски сўзингдан…

1921-йил

— Source: ҳттпс://wikisource.орг/wiki/Улуг%E2%80%99_ё%E2%80%99lovchiga. Downloaded from uzbekai.com.