Яшайиш
Абдулҳамид Чўлпон

Оғир-оғир ва фақат қайғудан йироқ уйқу,
Нечун узоқларга қочдингки, кўп ёмондир бу!

Кўзим очилди, бироқ кўрмадим гўзалликни,
Кўнгилда яъс ила кўрдим бутун тубанликни…
Йўқ эмас эди гўзаллик билан чиройлилик,
Фақат улар тубида жилваланди ҳайвонлик…
Кулиб қарар эди дунёси гоҳ-гоҳлари,
Фақат кулишлар ичида фиғон ва оҳлари!

Нечун очилди кўзим, қайга кетди уйқуларим?
Бу уйғонишда тўлиб-тошди, ошди қайғуларим…

— Source: ҳттпс://wikisource.орг/wiki/Яшайиш. Downloaded from uzbekai.com.