Меҳр кўп кўргуздум, аммо...
Алишер Навоий

Меҳр кўп кўргуздум, аммо меҳрибоне топмадим,
Жон басе қилдим фидо, ороми жоне топмадим.

Ғам била жонимға еттим, ғамгусоре кўрмадим,
Ҳажр ила дилхаста бўлдум, дилситоне топмадим.

Ишқ аро юз минг маҳмал ўқига бўлдим нишон,
Бир камон абрўда тузлукдин нишона топмадим.

Кўнглум ичра сарв ўқдур, ғунча пайкон, гул тикон,
Даҳр боғи ичра мундоғ гулситоне топмадим.

Ҳусн мулки ичра сендек шоҳи золим кўрмадим,
Ишқ кўйида ўзумдек нотавоне топмадим.

Кўп ўқудум Вомиқ-у Фарҳод-у Мажнун қиссасин,
Ўз ишимдин булажаброқ достоне топмадим.

Ул армон ичинда бўлсун, эй Навоий, гарчи мен,
Бир замон ишқида меҳнатдин амоне топмадим.

Таб ганжидин маоний хурдасин, юз қатла ҳайф —
Ким, нисор этмакка шоҳи хурдадоне топмадим.

— Source: ҳттпс://wikisource.орг/wiki/Меҳр_ко%E2%80%98p_ко%E2%80%98rguzdum%2C_аммо.... Downloaded from uzbekai.com.