Навбаҳор айёми бўлмиш...
Алишер Навоий

Навбаҳор айёми бўлмиш, мен диёр-у ёрсиз,
Булбул ўлғандек хазон фасли гул-у гулзорсиз.

Гоҳ сарв узра, гаҳе гул узра булбул нағмасоз,
Ваҳки, менмен гунг-у лол, ул сарви гулрухсорсиз.

Тонг эмастур гар диёр-у ёрсиз озурдамен,
Ким, эмас булбул гул-у гулзорсиз озорсиз.

Равза ашжори ўтундир, гуллари жониға ўт,
Мумкин ўлса анда бўлмоғлиқ даме дилдорсиз.

Май чу бердинг, зулф ила банд эт мени, эй муғбача,
Ким, хуш эмас муғ била ичмак қадаҳ зуннорсиз.

Топмадуқ гулранг жоми бехумор, эй боғбон,
Ваҳки, бу гулшан аро гул бутмас эрмиш хорсиз.

Аҳли зуҳд ичра Навоий топмади мақсадқа йўл,
Вақтингизни хуш тутунг, эй жамким, хумморсиз.

— Source: ҳттпс://wikisource.орг/wiki/Навбаҳор_айёми_бо%E2%80%98lmish.... Downloaded from uzbekai.com.