Лабинг қоним тўкарга ташналабтур...
Атоий

Лабинг қоним тўкарга ташналабтур,
Дами Исо-ю ўлтурмак ажабтур.

Кўтармак бошни маҳбуб эшикиндин
Муҳаббат бобида тарки адабтур.

Мени ўлтур, вале қувма қошингдин
Ким, энчу қулни қувмоқ бесабабтур.

Манга васлинг қачон етсун, билурмен,
Вале ошиқ иши саъй-у талабтур.

Атоий қулға бир лутф айламассен,
Хулагу ўғли, мунча не ғазабтур?!

— Source: ҳттпс://wikisource.орг/wiki/Лабинг_қоним_то%E2%80%98karga_ташналабтур.... Downloaded from uzbekai.com.