Сени мен онгладим, бевафо эмиштуксен...
Атоий

Сени мен онгладим, бевафо эмиштуксен,
Кўнгулга офат-у жонға бало эмиштуксен.

Бу мунча жонлар олиб, тўймадинг халойиқдин,
Эй ҳусн боби, не кўзи қаро эмуштуксен.

Азалда не гунаҳ эттинг кўнгилки, хўблардин,
Бу мунча меҳнат-у ғамга сазо эмиштуксен.

Гаҳики, босса оёғин юзумга, ноз ила дер:
«Аёғим оғриди, не бўрё эмиштуксен!»

Юзига кўп тика боқсам, манга кулуб айтур:
Атоий, не кўзи тўймас гадо эмиштуксен!

— Source: ҳттпс://wikisource.орг/wiki/Сени_мен_онгладим%2C_бевафо_эмиштуксен.... Downloaded from uzbekai.com.