Ул санамким, сув яқосинда паритек ўлтурур...
Атоий

Ул санамким, сув яқосинда паритек ўлтурур,
Ғояти нозуклукиндин сув била ютса бўлур.

То магарким, Салсабил обина жавлоне қила,
Келди жаннат равзасиндин оби кавсар сори ҳур.

Ул иликким сувдин ориғтур, юмас они суда,
Балки сувни пок бўлсун деб илик бирла ююр.

Эмди билдим рост эрмиш, балки кўрдим кўз била,
Улки дерлар, сув қизи гоҳ-гоҳ кўзга коринур.

Қошларинг ёсин Атоий кўргали ҳусн ичра тоқ,
Субҳидам меҳробларда сурайи Ёсин ўқур.

— Source: ҳттпс://wikisource.орг/wiki/Ул_санамким%2C_сув_яқосинда_паритек_о%E2%80%98lturur.... Downloaded from uzbekai.com.