Ҳар тилни билув эмди бани одама жондур...
Аваз Ўтар

Ҳар тилни билув эмди бани одама жондур,
Тил воситаи робитаи оламиёндур.

Ғайри тилини саъй қилинг билгани, ёшлар,
Ким илм-у ҳунарлар билонки ондин аёндур.

Лозим сиза ҳар тилни билув она тилидек,
Билмакка они ғайрат этинг фоида кондур.

Илм-у фан уйиға юборинглар болангизни,
Онда ўқуғонлар бори яктойи замондур.

Зор ўлмасун онлар доғи тил билмай Аваздек,
Тил билмаганидан они бағри тўла қондур.

— Source: ҳттпс://wikisource.орг/wiki/Ҳар_тилни_билув_эмди_бани_одама_жондур.... Downloaded from uzbekai.com.