So‘rmas holim yorima bir muddao bo‘ldi magar...
Azimiy

So‘rmas holim yorima bir muddao bo‘ldi magar,
Yo o‘zumni shumlig‘im boshga balo bo‘ldi magar.

Aylabon yorni so‘rog‘im darbadarlikda yurub
Tinmadi devona ko‘nglum benavo bo‘ldi magar.

Yorsiz turmoqqa toqat (yo‘q) yetarg‘a holatim
Ko‘rqadurmankim, bu dardim bedavo bo‘ldi magar.

Necha yillardurki istab topmadim yor vaslini
Hajrida o‘lmakligim hukmi qazo bo‘ldi magar.

Dambadam o‘rtar edi o‘tlug‘ firoqi bag‘rimi
Oqibat yiqti mani kam-kam ado bo‘ldi magar.

Jabbani jon birla qo‘yg‘ach yorni dargohiga
Tindi ko‘nglum, ey Azim, sandin rizo bo‘ldi magar.

— Source: https://wikisource.org/wiki/So%E2%80%98rmas_holim_yorima_bir_muddao_bo%E2%80%98ldi_magar.... Downloaded from uzbekai.com.