Эй жафожў ғайр бирла ошнолиқ қилмағил...
Байрамхон

Эй жафожў ғайр бирла ошнолиқ қилмағил,
Ошно бўлған ёронлардин жудолиқ қилмағил.

Ошнолиғ яхшидур, лекин ямондур эл тили,
Тилға тушган халқ бирла ошнолиғ қилмағил.

Бевафолиғ гарчи ҳусн аҳлиға расмедур қадим,
Сен уларға ўхшамассен, бевафолиғ қилмағил.

Беадолиқдур вафо тарк айламак ҳусн аҳлиға,
Бевафолиқ таркин айла, беадолиқ қилмағил.

Байрамо, чун эътиборинг йўқтурур ёр олида,
Кўрсатиб анга ўзунгни худнамолиқ қилмағил.

— Source: ҳттпс://wikisource.орг/wiki/Эй_жафожо%E2%80%98_г%E2%80%98ayr_бирла_ошнолиқ_қилмаг%E2%80%98il.... Downloaded from uzbekai.com.