Ҳар сўзки ғаразгў деса, эй ёр, инонма...
Байрамхон

Ҳар сўзки ғаразгў деса, эй ёр, инонма,
Арбоби ғараз сўзига зинҳор инонма.

Гар етса зоҳир қиладур ишқини элга,
Биллаҳ, кишига қилмадим изҳор, инонма.

Ҳар дам санга юз сўз мени маҳрумдин айтиб,
Ҳар сўзда анинг юз ғарази бор, инонма.

Биллаҳки, ағёр сўзи барча ғараздур,
Мендин санга бир сўз деса ағёр, инонма.

Ҳар неча жафо кўрса вафо тарки қилурму,
Байрамки билур ўзни вафодор, инонма.

— Source: ҳттпс://wikisource.орг/wiki/Ҳар_со%E2%80%98zki_г%E2%80%98arazgo%E2%80%98_деса%2C_эй_ёр%2C_инонма.... Downloaded from uzbekai.com.