Дунёга келиб лойига билмай бота қолдим...
Бобораҳим Машраб

Дунёга келиб лойига билмай бота қолдим,
Дармон йўқидин неча оғиз сўз қота қолдим.

Кўрдумки ани душмани руҳ-у тан экандур,
Ло ўқи била икки кўзига ота қолдим.

Майхонаға кирдим, била қолдим куяримни,
Масжидға кириб, зоҳиди яхдек қота қолдим.

Зоҳид, менга бир шишада май, сенга намозинг,
Минг тақвини бир косайи майға сота қолдим...

Ваҳдат майини пири муғон илгидин ичтим,
Мансур киби дорға бошимни оса қолдим.

Бу телбалигим шуҳрати оламға тўлубдур,
Бир жилвасиға икки жаҳондин ўта қолдим.

Айб айламангиз Машраби бехудни, ёронлар,
Найлайки, бу ғурбат кўчасидин ўта қолдим.

— Source: ҳттпс://wikisource.орг/wiki/Дунёга_келиб_лойига_билмай_бота_қолдим.... Downloaded from uzbekai.com.