Шодмонлик излама
Бобораҳим Машраб

Шодмонлик излама, охир бошинга ғам келур,
Одамининг бошига андишайи мотам келур.

Осмонга этса бошинг мисли Мусо хомуш ўл,
Сар дарахт нурмева бўлган сўнгра боши хам келур.

Одамийнинг асли бирдур, бир-биридин фарқи бор,
Неча қарн ўтган сўғун дунёга бир одам келур.

Ваҳми маҳшардин гапурманг норасони олдида,
Гўши карға ҳақ сўзи албатта нофорам келур.

Йиғламоқ осон эмасдур, эй жигарбандим, эшит,
Мулки дил садпора бўлған сўнг кўзингдан нам келур.

Олими илмига maghrur, жоҳили исёнга ғарқ,
Кас не билсун, рози маҳшар кимни тоши кам келур.

Ёшлигингда йўлга кирғил, токи топқайсан камол,
Гар жароҳат кўҳна бўлған сўнгра бемалҳам келур.

Машрабо, сийнамдаги дардимни айтсам, арш куяр,
Йўл хатардур, қўрқаман, мажлисга номаҳрам келур.

— Source: ҳттпс://wikisource.орг/wiki/Шодмонлик_излама. Downloaded from uzbekai.com.