Не хуш бўлғайки, бир кун уйқулуқ бахтимни уйғотсам...
Бобур

Не хуш бўлғайки, бир кун уйқулуқ бахтимни уйғотсам,
Кечалар тори мўйидек белиға чирмашиб ётсам.

Гаҳи гулдек юзини ул шакар сўзлукни исласам,
Гаҳи шаккар киби ул юзи гулнинг лаълидин тотсам.

Қани Ширин била Лайлики сендин ноз ўрганса,
Қани Фарҳод-у Мажнунким, аларға ишқ ўргатсам.

Ёруқ кундуз, қоронғу кечада анжум киби бўлгай,
Чекиб гар оҳ дудини кўнгул ўтини титратсам.

Кўзум равшанлиғида бўлғай, Бобур, басе камлиқ,
Агар қоши била юзун ҳилол-у кунга ўхшатсам.

— Source: ҳттпс://wikisource.орг/wiki/Не_хуш_бо%27lg%27ayki%2C_бир_кун_уйқулуқ_бахтимни_уйг%27otsam.... Downloaded from uzbekai.com.