O'lum uyqusig'a borib jahondin bo'ldum osuda...
Bobur

O‘lum uyqusig'a borib jahondin bo‘ldum osuda,
Meni istasangiz, ey do‘stlar, ko‘rgaysiz uyquda.

Nekim taqdir bo‘lsa, ul bo‘lur tahqiq bilgaysiz,
Erur jang-u jadal, ranj-u riyozat barcha behuda.

O‘zungni shod tutqil, g'am yema dunyo uchun zinhor,
Ki, bir dam g'am yemakka arzimas dunyoyi farsuda.

Zamona ahli ichra, ey ko‘ngul, oyo topilg'aymu,
Seningdek dard paymo-vu meningdek dard paymuda.

Ulusdin tinmadim umrimda hargiz lahzaye, Bobur,
Magar o‘lsam bu olam ahlidin bo‘lg'aymen osuda.

— Source: https://wikisource.org/wiki/O%27lum_uyqusig%27a_borib_jahondin_bo%27ldum_osuda.... Downloaded from uzbekai.com.