Ўзни, кўнгул, айш билан тутмоқ керак...
Бобур

Ўзни, кўнгул, айш билан тутмоқ керак,
Бизни унутқонни унутмоқ керак.

Айш-у тараб гулбуниға сув бериб,
Ғусса ниҳолини қурутмоқ керак.

Тийра турур зуҳд дамидин кўнгул,
Ишқ ўти бирла ёрутмоқ керак.

Ҳар нимаға ғам ема, ғам кўп турур,
Айш била ўзни овутмоқ керак.

Қўйма машаққат аро, Бобур, кўнгул,
Ўзни фароғат била тутмоқ керак.

— Source: ҳттпс://wikisource.орг/wiki/О%E2%80%98zni%2C_ко%E2%80%98ngul%2C_айш_билан_тутмоқ_керак.... Downloaded from uzbekai.com.