Сочининг савдоси тушти бошима бошдин яна...
Бобур

Сочининг савдоси тушти бошима бошдин яна,
Тийра бўлди рўзғорим ул қаро қошдин яна.

Мен худ ул тифли паривашға кўнгул бердим, вале,
Хонумоним ногаҳон бузулмағай бошдин яна.

Юз ёмонлиқ кўруб ондин телба бўлдунг, эй кўнгул,
Яхшилиғни кўз турарсен ул паривашдин яна.

Тош урар атфол мани, уйида фориғ ул пари,
Телбалардек қичқирурмен ҳар замон тошдин яна.

Оёғим етганча Бобурдек кетар эрдим, нетай,
Сочининг савдоси тушти бошима бошдин яна.

— Source: ҳттпс://wikisource.орг/wiki/Сочининг_савдоси_тушти_бошима_бошдин_яна.... Downloaded from uzbekai.com.