Ики қошинг киби бир турфа ё йўқ...
Гадоий

Ики қошинг киби бир турфа ё йўқ,
Қилурсен раҳм бу кўнглумга, ё йўқ.

Жаҳонда гарчи юз минг фитналар бор,
Фироқингдек вале айни бало йўқ.

Нигоро, хаста кўнглумнинг ҳақинда
Жафо кам қилма бори, гар вафо йўқ.

Висолингни менга гар ҳайф кўрсанг,
Кўз учидин доғи бир марҳабо йўқ.

Кўнгулнунг дардина, эй жони ширин,
Зулол ирингдин ўзга ҳеч даво йўқ.

Кўнгулни кимга боғлай чун жаҳонда,
Сенингдек кўрк ичинда дилрабо йўқ.

Агар сен ҳусн элининг хонидурсен,
Жаҳонда доғи мендек бир Гадо йўқ.

— Source: ҳттпс://wikisource.орг/wiki/Ики_қошинг_киби_бир_турфа_ё_ё%E2%80%99q.... Downloaded from uzbekai.com.