Хаста кўнглумни, бегим, нортек янгоқинг ўртади...
Гадоий

Хаста кўнглумни, бегим, нортек янгоқинг ўртади,
Қолғанин бир йили ул жоду қароқинг ўртади.

Зулфу холингдин шикоят қилмон, эй жону жаҳон —
Ким, менинг жонимни ул сиймин сақоқинг ўртади.

Юрагим қон бўлдию ҳеч топмадим жон мақсади,
Сўз била охир мени ширин дудоғинг ўртади.

Кимга айтай дарду ҳолимни, не тадбир айлайин —
Ким, мени боштин-аёқ золим фироқинг ўртади.

Оҳу вовайлоки, бу мискин Гадони оқибат
Ҳасрату ғам бирла дарди иштиёқинг ўртади.

— Source: ҳттпс://wikisource.орг/wiki/Хаста_ко%E2%80%99nglumni%2C_бегим%2C_нортек_янгоқинг_о%E2%80%99rtadi.... Downloaded from uzbekai.com.