Xasta ko’nglumni, begim, nortek yangoqing o’rtadi...
Gadoiy

Xasta ko’nglumni, begim, nortek yangoqing o’rtadi,
Qolg’anin bir yili ul jodu qaroqing o’rtadi.

Zulfu xolingdin shikoyat qilmon, ey jonu jahon —
Kim, mening jonimni ul siymin saqoqing o’rtadi.

Yuragim qon bo’ldiyu hech topmadim jon maqsadi,
So’z bila oxir meni shirin dudog’ing o’rtadi.

Kimga aytay dardu holimni, ne tadbir aylayin —
Kim, meni boshtin-ayoq zolim firoqing o’rtadi.

Ohu vovayloki, bu miskin Gadoni oqibat
Hasratu g’am birla dardi ishtiyoqing o’rtadi.

— Source: https://wikisource.org/wiki/Xasta_ko%E2%80%99nglumni%2C_begim%2C_nortek_yangoqing_o%E2%80%99rtadi.... Downloaded from uzbekai.com.