Har yurakning bir bahori bor
Hamid Olimjon

Muhabbat-ul u'zi eski narsa,
Lekin har bir yurak
Oni yong'orta...
Hodi Toqtosh

Har yurakning bir bahori bor,
Har bir qalbga ishq bo'lar mehmon.
Har yurakda gullar muhabbat,
Bo'ston etar uni begumon.

Lekin Layli boshiga kelgan
Qora kunlar bizga yot bugun;
Bizga yotdir shirin baxtini
Poymol etgan u qop-qora tun.

— Source: https://wikisource.org/wiki/Har_yurakning_bir_bahori_bor. Downloaded from uzbekai.com.