Ochma ruxsoring chamandin rangu bo‘ qo‘zg‘almasun...
Hayrat To‘raqo‘rg‘oniy

Ochma ruxsoring chamandin rangu bo‘ qo‘zg‘almasun,
Aksidin oyinalar monandi suv qo‘zg‘almasun.

Gulshan ichra kulma tokim, g‘uncha bag‘ri chok o‘lib,
La’lingga aylab o‘zini ro‘baro‘ qo‘zg‘almasun.

Rahm etib mushtoqlar sorig‘a goho qo‘y qadam,
Vasling istab misli Majnun ko‘bako‘ qo‘zg‘almasun.

Muddatedur dardi hijroningga bo‘ldim mubtalo,
Tandin aylab ketgali jon justujo‘ qo‘zg‘almasun,

Ishq bemoriga, ey nodon, tabib etma iloj,
Bevafo deb hikmat ahlidin g‘ulu qo‘zg‘almasun,

Loladek qat-qat ko‘ngullar hasratidin dog‘dur,
Qo‘rqaram izhoriga deb guftugo‘ qo‘zg‘almasun.

Nqa birla jaybu domonim g‘amingning panjasi —
Chok-chok etdi, o‘zingdin fe’li xo‘ qo‘zg‘almasun.

Jonu dil mushtoqdur, jono, visoling jomiga
O‘zgalar sahboya pur aylab, sabu qo‘zg‘almasun.

Aylama har bulhavasni suhbatingdin bahravor,
Toki bu nuqsoniga afsonago‘ qo‘zg‘almasun.

Nozanino, bu jahon ichra ko‘ngulda muddao
Vasling ummididin o‘zga orzu qo‘zg‘almasun.

Hayrati devona, birni deb bo‘lakka boqmakim,
Charx davronida nogoh sahv duv qo‘zg‘almasun.

— Source: https://wikisource.org/wiki/Ochma_ruxsoring_chamandin_rangu_bo%E2%80%98_qo%E2%80%98zg%E2%80%98almasun.... Downloaded from uzbekai.com.