Qilay har dam duoyi davlating, dilbar salomat bo‘l...
Hayrat To‘raqo‘rg‘oniy

Qilay har dam duoyi davlating, dilbar salomat bo‘l,
Bo‘lubman mubtaloyi surating, dilbar salomat bo‘l.

Omon bo‘lsun hamisha sen bila har kimki hamdamdur,
Munosib ham kelishgan ulfating, dilbar salomat bo‘l

Rusumi dilrabolig‘, ey pari, saNga musallamdur,
Xususan o‘lturishda suhbating, dilbar salomat bo‘l.

Yuzing gul yosamin, la’li labing chun g‘unchai guldur,
Misoli navdai gul qomating, dilbar salomat bo‘l.

Xabardor o‘lg‘il, ey mahvash gahi aftoda holimga,
Bo‘libdurman asiri furqating, dilbar salomat bo‘l.

Na qilsun qolmadi sabri ko‘rib husni jamolingni,
Qilur doim duolar, Hayrating, dilbar salomat bo‘l.

— Source: https://wikisource.org/wiki/Qilay_har_dam_duoyi_davlating%2C_dilbar_salomat_bo%E2%80%98l.... Downloaded from uzbekai.com.