Бўлди гул вақтию мен дарду ғамида мубтало...
Ҳусайн Бойқаро

Бўлди гул вақтию мен дарду ғамида мубтало,
Ишқ ўтидин лоладек бағримда юз доғи бало.

Ҳоли зорин, мен киби султондин айру тушгали,
Япроқ эрмас, гулдаким юз тил била айлар адо.

Мен билур эрдимки, йўқтур интиҳо ишқимда ҳеч,
То гули васлинг била қилдим муҳаббат ибтидо.

Лоладек май жомини тутгил ғанимат, гул чоғи.
Хосаиким, ишрат урди булбули бедил садо.

Гар ҳусайний, топмади барге жамолинг боғидин,
Бу чаманда, эй гули наврас,санга бўлсун бақо.

— Source: ҳттпс://wikisource.орг/wiki/Бо%E2%80%99ldi_гул_вақтию_мен_дарду_г%E2%80%99amida_мубтало.... Downloaded from uzbekai.com.