Ғунчани оғзинг десам, найлай анинг гуфтори йўқ...
Ҳусайн Бойқаро

Ғунчани оғзинг десам, найлай анинг гуфтори йўқ,
Сарвни қаддинг десам, нетай анинг рафтори йўқ.

Ойни не янглиғ санга нисбат қилурким,ҳусн аро
Сарвдек ҳам қадди йўқ, ҳам гул киби рухсори йўқ.

Зулфунга сунбулни не нав’ айлагай ташбиҳким,
Ҳам дилосо атри йўқ, ҳам жон риштасидек тори йўқ.

Айта олмон лаълингга ёқут ўхшарким, онинг
Ҳам чучук таъми-ю ҳам жонбахшлиқ осори йўқ.

Гар рақибингдин мени ўксук кўрарсен тонг эмас,
Кимки ошиқ бўлди итдин кам ҳам онинг ори йўқ.

Истасанг кўнглумга осойиш қадаҳ тут, соқиё,
Ким даме йўқким улусдин юз туман озори йўқ.

Кўйида итти Ҳусайний кўнгли, тонг йўқ, истаса —
Ким, бўлубтур онда бир девонаи афгори йўқ.

— Source: ҳттпс://wikisource.орг/wiki/Г%E2%80%99unchani_ог%E2%80%99zing_десам%2C_найлай_анинг_гуфтори_ё%E2%80%99q.... Downloaded from uzbekai.com.