Ko‘rdum bu dahr ichra ulus podsholig‘in...
Jaloliy

Ko‘rdum bu dahr ichra ulus podsholig‘in,
Oldim o‘zumga ahli muhabbat gadolig‘in.

Saf olg‘on anjuman ahli dil ko‘rub
Tark ayladim zamona elin peshvolig‘in.

Pomoli g‘am edim necha yil javridin, kun-tun
Bildim muhabbat bodasini g‘amzadolig‘in.

Harvaqt izzu joh ahlig‘a begonalik etib
Tutdim g‘aribu xasta elin oshnolig‘in.

Zohid qilur tanaki, zuhd aylamading
Mandin gunoh tegur aning porsolig‘in.

Ey aql, man’i ishq etib ko‘ndirolmading
Bildingmu endi bu ko‘ngil mubtalolig‘in.

O‘tdi tamomi umr Jaloliy, murodiga yetmadi
Bidurdi bu jahon o‘zini benavolig‘in.

— Source: https://wikisource.org/wiki/Ko%E2%80%98rdum_bu_dahr_ichra_ulus_podsholig%E2%80%98in.... Downloaded from uzbekai.com.