Йиғлатди кўзларимни ажаб лабларинг кулуб...
Жоний

Йиғлатди кўзларимни ажаб лабларинг кулуб,
Важдим бу эрди шамъи жамолингдин ўргулуб.

Ҳар қайси бошқа-бошқа тилар садқа бўлмағин
Қошу кўзингга жону кўнгул ақл олдуруб.

Васлинг тириклигим сабаби субҳу шом, бас,
Бошинг учунки борма менинг кўнглими узуб.

Таъбир қилдим ой юзинга мунзави калаф,
Рухсоринг узра хатти муанбарни туш кўруб.

Бир кўрмак иштиёқидин эй навбаҳори ҳусн,
Тунларнн ўткурур йўлинг устида ўлтуруб.

Сен шод сайр ичинда паричеҳралар била,
Мен хаста доғ бир гўшада зор телмуруб.

Жоний, ниҳояти талабинг кўйи туфроғи
Жон берса оз эмастур оёғингга бош қўюб.

— Source: ҳттпс://wikisource.орг/wiki/Йиг%E2%80%98latdi_ко%E2%80%98zlarimni_ажаб_лабларинг_кулуб.... Downloaded from uzbekai.com.