Аёқингға тушар ҳар лаҳза гису...
Лутфий

Аёқингға тушар ҳар лаҳза гису,
Масалдурким: «Чароғ туби қоронғу».

Тутурмен кўзки, кўрсам оразингни, —
Ки дерлар: «Оққан ариққа оқар су(в)».

Юзунгни туттум ортуқ ой-у кундин,
«Кишининг кўзидур, оре, тарозу».

Кўзинг қонимдин ийманмас, ажабтур, —
Ки: «Қўрқар, қайдаким қон кўрса ҳинду».

Тилар васлингни Лутфий, қил ижобат, —
Ки айтурлар: «Тилоганни — тилогу”.

— Source: ҳттпс://wikisource.орг/wiki/Аёқингг%E2%80%98a_тушар_ҳар_лаҳза_гису.... Downloaded from uzbekai.com.