Бу кўнгул
Лутфий

Мени шайдо қиладурғон, бу кўнгулдур, бу кўнгул,
Хор-у расво қиладурғон, бу кўнгулдур, бу кўнгул.

Ўқдайин қоматимизни қора қошлиғлар учун
Муттасил ё қиладурғон, бу кўнгулдур, бу кўнгул.

Мени ёзғурма «севар» дебки менинг ҳаддим эмас,
Ул таманно қиладурғон, бу кўнгулдур, бу кўнгул.

Борма дерлар эшики сори дамо-дам, нетайин,
Кўп тақозо қиладурғон, бу кўнгулдур, бу кўнгул.

Тори мўйин ҳаваси бирла қоронғу кечада
Жонни савдо қиладурғон, бу кўнгулдур, бу кўнгул.

Душман-у дўст орасинда мени ғофилни (мудом),
Бесар-у по қиладурғон, бу кўнгулдур, бу кўнгул.

Ўзгадин кўрмаки кўзунг ёшини, эй Лутфий,
Айни дарё қиладурғон, бу кўнгулдур, бу кўнгул.

— Source: ҳттпс://wikisource.орг/wiki/Бу_ко%E2%80%99ngul. Downloaded from uzbekai.com.