Кўзунг қораси фитна, вале оқи балодур...
Лутфий

Кўзунг қораси фитна, вале оқи балодур,
Жонлар оладур, ваҳ, не бало кўзи қародур?

Кўз устида жон олғувчидур холию қоши,
Бир-бирга бари фитна қотилған не балодур?

Ҳамдардтур айтай анга ҳолимким, инонғай,
Гулшандин ўшул булбули мискин, ки жудодур.

“Бош ўйнайину жон берайин васл учун” – айттим,
Хуш-хуш кулуб айтур мангаким: ”Яхши баҳодур!”

Кўп қилма анинг жавридин, эй Лутфий, шикоят,
Ким, ҳусн элининг шеваси пайваста жафодур.

— Source: ҳттпс://wikisource.орг/wiki/Ко%E2%80%99zung_қораси_фитна%2C_вале_оқи_балодур.... Downloaded from uzbekai.com.