Нега жонима жафо қилурсан...
Лутфий

Нега жонима жафо қилурсан?
Вақти ўлди агар вафо қилурсан.

Жоним чиқадур фироқ ўтиндин
Дардимға қачон даво қилурсан?

Ул зулфни солма юзунг узра,
Ким юз била минг бало қилурсан.

Бўйнунгда қоним, ки бизни,эй кўз,
Хўблар билан ошно қилурсан.

Жондин иликингни, Лутфий, ювғил,
Чун ишқ била марҳабо қилурсан.

— Source: ҳттпс://wikisource.орг/wiki/Нега_жонима_жафо_қилурсан.... Downloaded from uzbekai.com.