Bahori husni ruxsoring gulidin bo‘lmog‘a toza...
Ma’dan

Bahori husni ruxsoring gulidin bo‘lmog‘a toza,
Bu ko‘nglum bulbulining nolishig‘a yo‘qtur andoza,

Erur yuz pora ko‘nglum tori zulfung yodidin, vahkim,
Magarkim bu kitob ul rishta birlan topti sheroza.

Yuzung ko‘rgan kishi ne vajhdin qonlar yutar mandek,
Lni gar qilmasa mashshota rangi zulmdin toza.

Jamii xo‘blar da’vosi botil bo‘ldi husningdin,
Barobar kelmagandek sehrlar izhori e’joza.

Emasdur ko‘zlarim ko‘rmak uchun bul tan hisorig‘a,
Kezib fikring chiqarg‘a jon erur bu ikki darvoza.

Bu zulfu ko‘zu qoshingni tamannosida har soat,
Jafolar to‘rt yondindur manga behaddu andoza.

Jarasdek nola qilsam, ayb qilmanglar mani Majnun
Ki, ey Laylivashim, cheksam agar har sori xamyoza.

Ne tong, o‘rtansa jonim sham’ o‘tig‘a shavqdin har tun,
Erur to xalq aro, ey bevafo, husningdin ovoza.

Mani bu Volai shaydolig‘img‘a chekmag‘ay ta’na,
Kishi bir qatla ko‘z solsa agar ul husni navtoza.

— Source: https://wikisource.org/wiki/Bahori_husni_ruxsoring_gulidin_bo%E2%80%98lmog%E2%80%98a_toza.... Downloaded from uzbekai.com.