Кетиб ул шўх, кетмиш жисмдин жоним сўроғ узра...
Маъдан

Кетиб ул шўх, кетмиш жисмдин жоним сўроғ узра,
Магар мушкин хатингдин нафҳае етмиш думоғ узра.

Машомимға сабо гар накҳате келтурса, тонг эрмас,
Паризодим тарармиш сунбули зулфин тароғ узра.

Менинг қатл айлағач чуғзи адулар қатл комидин,
Талошур итлари қонимни кўргач итялоғ узра.

Дедим, ўлдур, менинг қонлиғ-бошим йўлунгда помол эт
Ярошуқдур менинг қонимға гул лаълинг дудоғ узра.

Дема ҳеч кимга зулм этмоди Маъдан даҳри зулмоний,
Нағу Фарҳоднинг таъзир этиб ўлдурди тоғ узра?

— Source: ҳттпс://wikisource.орг/wiki/Кетиб_ул_шо%E2%80%98x%2C_кетмиш_жисмдин_жоним_со%E2%80%98rog%E2%80%98_узра.... Downloaded from uzbekai.com.