Mani afgor edanlar, kosh, man yanglig‘ figor o‘lsun...
Ma’dan

Mani afgor edanlar, kosh, man yanglig‘ figor o‘lsun
Ki, furqat bodasin sing‘on tarab jomig‘a zor o‘lsun.

Mening mahbusi zindoni malomat aylaganlar ham
Mazallat tufrog‘ina yostonib xor o‘lsa xor o‘lsun.

Chekib ishratrabosin sukr o‘lub bexud o‘lanlarg‘a
Mudaqqiq dard berkim, el ichinda sharmsor o‘lsun.

Degil ushshoqakim majzubi ishq o‘lmish budur chora,
Chiqib sahroya, Majnun daf’idek benangu or o‘lsun.

Turobimg‘a qadam qo‘yg‘ach tahammul pesha qilg‘ilkim
Mabodo hil’ati nozing g‘uborimdin g‘ubor o‘lsun.

Jahon ma’murasidin o‘zga maqsudi murodim yo‘q, ,
Boshim farshi harimi dargahi ul shahsuvor o‘lsun.

Zalilu mustamandu xor deb, Ma’dang‘a ta’n etma,
Anga hijron muborak, sanga davlat poydor o‘lsun.

— Source: https://wikisource.org/wiki/Mani_afgor_edanlar%2C_kosh%2C_man_yanglig%E2%80%98_figor_o%E2%80%98lsun.... Downloaded from uzbekai.com.