Шод ўлғил, эй маҳзун кўнгул, ou кеча дилдоринг келур...
Muhammad Раҳимхон Феруз

Шод ўлғил, эй маҳзун кўнгул, ou кеча дилдоринг келур,
Ширин такаллум, гулбадан, лаъли шакарборинг келур.

Соз айла айш асбобини, очғил тараб абвобини,
Рухсори оламтобини очиб севар ёринг келур.

Лаълин қилиб мў’жизбаён, бермакка умри жовидон,
Юз нав’ меҳр айлаб аён, жонбахш гуфторинг келур.

Ҳижрони ичра борҳо тортар эдинг ранжу ано,
Бу дам тутуб расми вафо шўхи ситамкоринг келур.

Маҳзун қилиб ағёрни, шод этгали сен зорни,
Тарк айлабон озорни, ёри вафодоринг келур.

Кўнглига ноланг бир саҳар таъсир қилмишдур магар,
Ширин дудоқу сиймбар, фархунда дийдоринг келур.

Ферузбахт ўлғил мудом, эт нўши ишрат бирла жом,
Андоқки сарви хушхиром, озода рафторинг келур.

— Source: ҳттпс://wikisource.орг/wiki/Шод_о%E2%80%98lg%E2%80%98il%2C_эй_маҳзун_ко%E2%80%98ngul%2C_ou_кеча_дилдоринг_келур.... Downloaded from uzbekai.com.