Айғил манга кўнглим недур асрори ниҳонинг...
Мужрим-Обид

Айғил манга кўнглим недур асрори ниҳонинг
Лол ўлди магар ҳажрида гўё бу забонинг.

Ақлим сенинг ақлингдуру ҳушим сени ҳушинг,
Жисмим сени жисмингдуру жоним сени жонинг.

Сен подшоҳи мулки тану қалъаи жонсан,
Илгим, оёғим иккаласи тахти равонинг.

Бир маслаҳатим айғилу йўлимға равон қил,
Шоядки қабули ҳақ эса ушбу равонинг.

Шодим борида шодсан, ғам била ғамда,
Жоним мени жоним эди қўйнимда маконинг.

Эй булбули табъим на ҳаводур бу чаманда,
Беҳуда эрур нолау фарёду фиғонинг.

Обидни балоларга гирифтор қилибсан,
Айғил манга кўнглум недур асрори ниҳонинг.

— Source: ҳттпс://wikisource.орг/wiki/Айг%E2%80%98il_манга_ко%E2%80%98нглим_недур_асрори_ниҳонинг.... Downloaded from uzbekai.com.