Бу кеча кошонам узра ёр меҳмон келмади...
Мужрим-Обид

Бу кеча кошонам узра ёр меҳмон келмади.
Қолибим беруҳ қолди, лутф этиб жон келмади.

Посишаб нолам эшитиб, бўлди булбуллар хамуш,
Не учун ушбу саҳар овози афғон келмади.

Ваъдаси ёлғон эди ё ман’ қилди ғайр ани,
Ya’ни ул бебок табъи қавли ялғон келмади.

Чашмаи чашмим мурури ашкдин қолди қуруб,
Ул тасалли бахш ашки чашми гирён келмади.

Бошими гардун сари еткурмади файзи қадам,
Оллоҳ, оллоҳ, қомати сарви хиромон келмади.

Кўп соғингандин кўзумда қолмади бир зарра нур,
Партави zulmatzudoyi моҳи тобон келмади.

Бу масалдур, Обидо, халқ ичраким, қайси ятим;
Оғзи тегди ошға-ю, бурнидин қачон қон келмади.

— Source: ҳттпс://wikisource.орг/wiki/Бу_кеча_кошонам_узра_ёр_меҳмон_келмади.... Downloaded from uzbekai.com.