Zulm ila qahru g‘azab izhor qilmoq shunchalar...
Muqimiy

Zulm ila qahru g‘azab izhor qilmoq shunchalar,
Oshiqi bechoraga ozor qilmoq shunchalar.

Gul debon sevgon kishining ko‘kragiga nish urib,
Xasta-yu ma’yus etib, afgor qilmoq shunchalar.

To‘tiyi shirinsuxan ag‘yorlarning bazmida,
Bizga kelganda gapirmay, zor qilmoq shunchalar.

Sizga kim aydi: muhabbat ahlini qil ihtisob,
Qo‘rqutib o‘y aybiga iqror qilmoq shunchalar.

Garchi kelsa, eski to‘n, bizdek duogo‘yi faqir,
Kambag‘alning xirqasidan or qilmoq shunchalar.

Har balo-yu, jabr kelsa, yonmagay hargiz, Muqim,
Oshiq ahlini urubon xor qilmoq shunchalar.

— Source: https://wikisource.org/wiki/Zulm_ila_qahru_g%E2%80%98azab_izhor_qilmoq_shunchalar.... Downloaded from uzbekai.com.