Ошиқ ўлдинг, эй кўнгул, жонинг керакмасму санга...
Огаҳий

Ошиқ ўлдинг, эй кўнгул, жонинг керакмасму санга?
Ўтға кирдинг жисми урёнинг керакмасму санга?

Истабон ул юз тамошасини кўздин дамба-дам,
Қон тўкарсан чашми гирёнинг керакмасму санга?

Ҳардам эткунг орзу кофир кўзи наззорасин,
Қил ҳазарким нақди имонинг керакмасму санга?

Лутфунг этдинг хаста кўнглимдин дариғ, эй шоҳи ҳусн,
Бу гадойи зори ҳайронинг керакмасму санга?

Ўзгаларга илтифотинг айладинг махсус, бу
Мустаҳиқ лутфу эҳсонинг керакмасму санга?

Сел ғамдин хонавайрон ўлдиму йод этмадинг,
Айтким бу хонавайрининг керакмасму санга?

Огаҳий ҳолин кўруб доим тағофил қилғосан,
Шоири донойи давронинг керакмасму санга?

— Source: ҳттпс://wikisource.орг/wiki/Ошиқ_о%E2%80%98lding%2C_эй_ко%E2%80%98ngul%2C_жонинг_керакмасму_санга.... Downloaded from uzbekai.com.