Юзи, эй, моҳитобон, бир келиб кет...
Қорий Хўқандий

Юзи, эй, моҳитобон, бир келиб кет,
Кўзум йўлингда ҳайрон, бир келиб кет.

Фироқинг даштида мен зору-сарсон,
Тараҳҳум бирла жонон, бир келиб кет.

Юзинг кўрмакка кўп муштоқ эрурман,
Бошим узра хиромон бир келиб кет.

Ўлар ҳолатга етдим фурқатингдин,
Топиб фурсат шитобон бир келиб кет.

Хамиша интизори мақдамингмен,
Аё, эй шоҳи хўбон, бир келиб кет.

Ғамингда қолмади бир зарра тоқат,
Лаби гул, ғунча хандон бир келиб кет.

Бу Қорий ҳасратингдин кеча-кундуз,
Ёнар чун шамъи сўзон, бир келиб кет.

— Source: ҳттпс://wikisource.орг/wiki/Юзи%2C_эй%2C_моҳитобон%2C_бир_келиб_кет.... Downloaded from uzbekai.com.