Бир манингдек ёр деб девона бўлған бормукин...
Садоий Мирҳасан

Бир манингдек ёр деб девона бўлған бормукин?
Шам’ янглиғ ҳусниға парвона бўлған бормукин?

Оҳ уруб ҳардам фиғон айлаб жунун саҳросида,
Молу мулкидин кечиб девона бўлған бормукин?

Тўтийи гўё бўлуб, ё боғ аро булбулларин
Чуғз янглиғ манзили вайрона бўлған бормукин?

Ман юруб ёлғуз биёбонларда саргардон бўлуб,
Ёр бирла ҳамдаму ҳамхона бўлған бормукин?

Куфр элини хуш кўруб, зунор боғлаб доимо,
Эмди мандек соқии майхона бўлған бормукин?

Эй Садойи, аввалу охир замона ҳақ учун,
Бир санингдек дунёда афсона бўлған бормукин?

— Source: ҳттпс://wikisource.орг/wiki/Бир_манингдек_ёр_деб_девона_бо%E2%80%98lg%E2%80%98an_бормукин.... Downloaded from uzbekai.com.