Неча ишдин ақлу ҳушинг кам бўлур...
Садоий Мирҳасан

Неча ишдин ақлу ҳушинг кам бўлур,
Оқибат афтодаликдин хам бўлур.

Тутма улфат бу авом аҳлиға кўп,
Кам бўлур ақлинг сани ҳар қанча кўп

Улфати хотуну гўдак бирладур,
Ақли зоил ҳам дили ғам бирладур.

Кўп сухан қилса киши, эй ақли дур,
Гарчи ҳақ сўздур, бўлур ақли қусур…

Иштиҳодин кўп емак, бевақт хоб,
Ақл уйин қилғай бу ишлар кўп хароб.

Орзуйи хом учун ким еса ғам,
Сабрсиз бўлса агар етса алам,

Ул кўнгулда ақл турмас, эй фалон,
Ақлсиз элга ғизо зардобу қон.

— Source: ҳттпс://wikisource.орг/wiki/Неча_ишдин_ақлу_ҳушинг_кам_бо%E2%80%98lur.... Downloaded from uzbekai.com.