Кўркли юзунгга боққан кўзларга жон кўрунур...
Сайфи Саройи

Кўркли юзунгга боққан кўзларга жон кўрунур
Дойим мурасса’ оғзинг гавҳарфишон кўрунур.

Бозор ичинда ҳуснунг ишва сотиб олур жон,
Бўстон ичинда қаддинг сарви равон кўрунур.

Ҳақ сунъи ой юзунгни қилмоқ учун тамошо
Ҳар субҳидам қопунгда халқи жаҳон кўрунур.

Эрта-кеча кўзумдин кетмас учун хаёлинг,
Не ерга боқсам анда ҳуснунг аён кўрунур.

Сайфи Саройи назми ҳуснунг сифоти бирла
Дойим бу эл тилинда хуш дилситон кўрунур.

— Source: ҳттпс://wikisource.орг/wiki/Ко%E2%80%98rkli_юзунгга_боққан_ко%E2%80%98zlarga_жон_ко%E2%80%98runur.... Downloaded from uzbekai.com.