Ёр ҳажрида кўзум қатраси чандон-чандон...
Шавқий Каттақўрғоний

Ёр ҳажрида кўзум қатраси чандон-чандон
Оқтиким, қолди улус кўргали қайрон-ҳайрон.

Чархдек сочтим ўлуб ҳам ёшим анжум-анжум,
Келгали кулбама ул ой арақафшон-афшон.

Ўлтуруб эрдим анинг йодида мен қон йиғлаб,
Сунди май мен сари ул муғбача хандон-хандон.

Қоши ёсини чекиб, ноз ила новак отгач,
Ўтти кўксум сипаридин ўқи паррон-паррон.

Шукрким, кўнглум уйин айлади равшан тун субҳ,
Кўргузуб меҳри вафосин манга алвон-алвон…

Дайрдин лутф ила, Шавқий, санга мийно-мийно
Берсалар бода, сумур гўшада пинҳон-пинҳон.

— Source: ҳттпс://wikisource.орг/wiki/Ёр_ҳажрида_ко%E2%80%98zum_қатраси_чандон-чандон.... Downloaded from uzbekai.com.