Менинг мулоҳазам
Шокир Сулаймон

“Ҳужум” – жиддий ва сиёсий бир масъала бўлғани ҳолда у жуда енгиллашдирилиб, томошабинлар кўзига оддий бир ўйинчоқ каби қилиб тушунтирилади, фирқанинг, фирқа фаолларининг шўро жамоатчилик иштироки йўқ каби кўринади. Гўё “Ҳужум” – бир тўда комсомол, ёш пионер, йўқ-бор нарсага “чапак солиб қичқиратурған” болалар, ижтимоий қурилишимизда ортиқча рўли бўлмаған бир-икки кўча кишисининг иши бўлиб кўринади.
Уч пардада такрор кўрилатурған “оилавий тўгарак” манзараси жуда бўш, суюқ чиққанким, буни кўрган киши “оилавий тўгарак”ларнинг машғулоти – қуруқ ўйин-кулги, артистларнинг масхарабозлиғи, sathi бир қийланишлардан иборат экан, деган фикрга келади. Хотин-қизларнинг очилишидан кутилган асосий мақсади очиқ кўрсатилмай бўялиб кетади.
Қаршибоевга ҳужум борғанда, Қаршибоевнинг тескарилигини кўрсатганда, орада бир кўриниш орттириб производствода ишлаб турған хотин-қизларнинг иқтисодий озодлиғини кўрсатиш зарарли бўлмас эди.
Модомики, Қаршибоев халққа қараб ўзининг кирли юрагини очар экан, иштирок қилувчилардан бошқа бирови ҳам парда орасида қаршибоевларни очиб бериши, сўзлаб тушиндириши керак эди. Ҳар нарсани томошабиннинг ўз мулоҳазасига топшириб, қарши томонни сўзлатиб қўйиш – томошабинларға мубҳам бир нарсани қутқазиш билан баробар бўлади.

Шокир Сулаймон

— Source: ҳттпс://wikisource.орг/wiki/Менинг_мулоҳазам. Downloaded from uzbekai.com.