Бир лаҳза кўнглум ўлмади беғам замонадин...
Убайдуллахон

Бир лаҳза кўнглум ўлмади беғам замонадин,
Тўйди замона мендину мен ҳам замонадин.

Етмай кўнгулга шодлиғ, эй ҳамдамим,етар,
Юз минг ғаму алам анга ҳардам замонадин.

Жамъиятики бор эди кўнгул диёрида,
Ул доғи бўлди бир йўли дарҳам замонадин.

Кўнглум гули бу гулшан аро сўлғали даме,
Умрим ниҳоли бўлмади хуррам замонадин.

Марҳам жароҳатингға, Убайдий, тиларни қўй,
Етмас жароҳат аҳлиға марҳам замонадин.

— Source: ҳттпс://wikisource.орг/wiki/Бир_лаҳза_ко%E2%80%99nglum_о%E2%80%99lmadi_бег%E2%80%99am_замонадин.... Downloaded from uzbekai.com.