Кўрар кўзимсан, эй жону жаҳоним...
Убайдуллахон

Кўрар кўзимсан, эй жону жаҳоним,
Севар ёрим, азизим, меҳрибоним.

Тараҳҳум қилки, бўлди хоки роҳинг,
Тани фарсуда, жисми нотавоним.

Кўнгул уйин бузар сели сиришком,
Ҳам ўтлуқ нолаю оҳу фиғоним.

Сенинг ишқингда Мажнун қиссасидек,
Эл ичра топти шуҳрат достоним.

Убайдийға топилмас олам ичра,
Сенингдек мушфиқ, эй ороми жоним.

— Source: ҳттпс://wikisource.орг/wiki/Ко%E2%80%99rar_ко%E2%80%99zimsan%2C_эй_жону_жаҳоним.... Downloaded from uzbekai.com.