Ўртанур ҳажр ўтиға жисми фигорим сенсиз...
Убайдуллахон

Ўртанур ҳажр ўтиға жисми фигорим сенсиз,
Куядурмен, нетай, эй лола узорим, сенсиз.

Равнақи боғу баҳорим эдинг, эй сарви сеҳи,
Топмади нашъу намо боғу баҳорим сенсиз.

Ҳар неча кўкдин ўтуб бузди малойик кўнглин
Оҳу афғоним ила нолаи зорим сенсиз.

Туфроғим соврулубон чиқти қуюндек, эй сарв,
Сарсари ҳажр ила гардунға ғуборим сенсиз.

Сабр этиб қилмас эдим нола Убайдий ёнглиғ,
Йўқтурур, ваҳ, нетайин сабру қарорим сенсиз.

— Source: ҳттпс://wikisource.орг/wiki/О%E2%80%99rtanur_ҳажр_о%E2%80%99tig%E2%80%99a_жисми_фигорим_сенсиз.... Downloaded from uzbekai.com.