📅 2016-yil 16-yanvar · Markaziy bank hujjatlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2016 йил 16 январь · Марказий банк ҳужжатлари
Расмий матн. Расмий ҳужжат. Таҳририй изоҳлар киритилмаган.
📅 16 января 2016 г. · Документы Центрального банка
Официальный текст. Официальный документ. Редакционные примечания не включены.
📅 16 January 2016 · Central Bank documents
Official text. Official document. Editorial notes are not included.
Ўзбекистон Республикаси Марказий банки Бошқарувининг
Қарори
Банкларнинг депозит (омонат) сертификатларини чиқариш ва муомалада бўлиш тартиби тўғрисидаги низомга ўзгартириш ва қўшимчалар киритиш ҳақида
Ўзбекистон Республикасининг « Ўзбекистон Республикасининг Марказий банки тўғрисида »ги ва « Қимматли қоғозлар бозори тўғрисида »ги қонунларига мувофиқ Ўзбекистон Республикаси Марказий банки Бошқаруви қарор қилади:
1. Ўзбекистон Республикаси Марказий банки Бошқарувининг 2008 йил 14 августдаги 17/2-сон қарори (рўйхат рақами 1859, 2008 йил 24 сентябрь) (Ўзбекистон Республикаси қонун ҳужжатлари тўплами, 2008 й., 39-сон, 400-модда) билан тасдиқланган Банкларнинг депозит (омонат) сертификатларини чиқариш ва муомалада бўлиш тартиби тўғрисидаги низомга иловага мувофиқ ўзгартириш ва қўшимчалар киритилсин.
2. Мазкур қарор расмий эълон қилинган кундан эътиборан кучга киради.
Ўзбекистон Республикаси Марказий банки Бошқарувининг 2016 йил 16 январдаги 1/2-сонли қарорига ИЛОВА
Банкларнинг депозит (омонат) сертификатларини чиқариш ва муомалада бўлиш тартиби тўғрисидаги низомга киритилаётган ўзгартириш ва қўшимчалар
1. Муқаддима қуйидаги таҳрирда баён этилсин:
«Мазкур Низом Ўзбекистон Республикасининг «Ўзбекистон Республикасининг Марказий банки тўғрисида»ги, «Банклар ва банк фаолияти тўғрисида»ги, «Қимматли қоғозлар бозори тўғрисида»ги қонунларига мувофиқ тижорат банклари томонидан депозит (омонат) сертификатларини чиқариш ва муомалада бўлиш тартибини белгилайди.».
2. 1-банд қуйидаги таҳрирда баён этилсин:
«1. Мазкур Низомда қуйидаги асосий тушунчалардан фойдаланилади:
депозит (омонат) сертификати (бундан буён матнда сертификат деб юритилади) — банкка қўйилган депозит (омонат) суммасини ва омонатчининг (сертификат сақловчининг) депозит (омонат) суммасини ҳамда сертификатда шартлашилган фоизларни сертификатни берган банкдан ёки шу банкнинг исталган филиалидан белгиланган муддат тугаганидан кейин олиш ҳуқуқини тасдиқловчи ноэмиссиявий қимматли қоғоз;
цессия — сертификат бўйича талаб қилиб олиш ҳуқуқидан бошқа шахс фойдасига воз кечиш;
цедент — сертификат бўйича талаб қилиб олиш ҳуқуқидан бошқа шахс фойдасига воз кечаётган томон;
цессионарий — сертификат бўйича талаб қилиб олиш ҳуқуқини олаётган томон.».
3. 9-банднинг биринчи хатбошисидаги «1 — 3 иловалар» деган сўзлар «1 ва 3-иловалар» деган сўзлар билан алмаштирилсин.
4. 10-банднинг биринчи хатбошисидаги «талаб қилиб олиш ҳуқуқидан бошқа шахс фойдасига воз кечиш (цессия)» деган сўзлар «цессия» деган сўз билан алмаштирилсин.
5. 11-банд қуйидаги таҳрирда баён этилсин:
«11. Сертификат бланкасида сертификатни чиқариш ва унинг муомалада бўлиш шартлари (бундан буён матнда чиқарилиш шартлари деб юритилади), шу жумладан цессияни расмийлаштириш ҳамда сертификат йўқотилганда уни қайта тиклаш тартиби акс эттирилган бўлиши лозим.».
6. 19-банд қуйидаги таҳрирда баён этилсин:
«19. Сертификат бланкалари Қимматли қоғозлар бланкаларига қўйиладиган техник талаблар тўғрисидаги низом (рўйхат рақами 1312, 2004 йил 17 февраль) талабларига мувофиқ тайёрланади.».
7. 21 ва 22-бандлар қуйидаги таҳрирда баён этилсин:
«21. Депозит сертификати бўйича цессия фақат юридик шахслар ўртасида расмийлаштирилади.
22. Омонат сертификати бўйича цессия фақат жисмоний шахслар ўртасида расмийлаштирилади.».
8. 24-банд қуйидаги таҳрирда баён этилсин:
«24. Цессия сертификатнинг орқа томонида ёки қўшимча варақларда (иловалар) цедент ва цессионарийнинг икки томонлама битими билан расмийлаштирилади.
Депозит сертификати бўйича цессия ҳар бир томондан шу каби битимларни амалга ошириш учун юридик шахс томонидан ваколат берилган икки нафар шахс томонидан имзоланади ва юридик шахсларнинг муҳрлари (муҳрлар мавжуд бўлган тақдирда) билан тасдиқланади.
Омонат сертификати бўйича цессияни ҳар икки томон шахсан имзолайди.
Ҳар бир цессия цедент томонидан рақамланади.
Цессияни расмийлаштириш узлуксиз бўлиши шарт.».
9. 25-банддаги «Сертификат бўйича талаб қилиб олиш ҳуқуқидан бошқа шахс фойдасига воз кечиш» деган сўзлар «Цессия» деган сўз билан алмаштирилсин.
10. 26-банд «имзоланиши ва муҳрланиши» деган сўзлардан кейин «(муҳр мавжуд бўлган тақдирда)» деган сўзлар билан тўлдирилсин.
11. 27-банд «банкда» деган сўздан кейин «ёки унинг филиалида» деган сўзлар билан тўлдирилсин.
12. 28-банддаги «Талаб қилиб олиш ҳуқуқидан бошқа шахс фойдасига воз кечилганда (цессияда)» деган сўзлар «Цессия расмийлаштирилганда» деган сўзлар билан алмаштирилсин.
13. 31-банд қуйидаги таҳрирда баён этилсин:
«31. Сертификат сақловчиси томонидан банкка тўлаб бериш учун тақдим этилган сертификатларда цессиялар мавжуд бўлса, банк цессияларнинг расмийлаштирилиши ва узлуксизлигини текширади. Бунда:
омонат сертификатлари бўйича — охирги цессияда қайд этилган шахснинг фамилияси, исми, шарифи ва имзоси, сертификатни тўлаб беришни сўраб ёзилган аризадаги шахснинг фамилияси, исми, шарифи ва имзосига мос келмаган тақдирда, сертификат сақловчиси томонидан меросга бўлган ҳуқуқ тўғрисидаги гувоҳнома (ёки унинг нотариал тасдиқланган нусхаси) ёки белгиланган тартибда расмийлаштирилган ишончнома;
депозит сертификатлари бўйича — охирги цессияда қайд этилган цессионарий ваколатли шахсининг имзоси, номи ва муҳри (муҳр мавжуд бўлган тақдирда) сертификат тўлаб берилиши ҳақидаги аризада ваколатли шахс имзоси, юридик шахснинг номи, муҳри (муҳр мавжуд бўлган тақдирда) мос келмаган тақдирда, сертификат сақловчиси томонидан сертификат суммасини талаб қилиб олиш ҳуқуқини тасдиқловчи ҳужжат(лар) тақдим этилиши лозим.
Сертификат сақловчиси томонидан тақдим этилган сертификат суммаси бўйича талаб қилиб олиш ҳуқуқини тасдиқловчи ҳужжат(лар) ёки унинг нусхаси банк томонидан тўлаб берилган сертификатга қўшиб тикиб қўйилади.».
14. 33-банд қуйидаги таҳрирда баён этилсин:
«33. Сертификат бўйича фоизларни ҳисоблаш Тижорат банкларида фоизларни ҳисоблаш тўғрисидаги низомга (рўйхат рақами 1306, 2004 йил 30 январь) мувофиқ амалга оширилади.».
15. Ушбу ўзгартириш ва қўшимчалар Ўзбекистон Республикаси Давлат рақобат қўмитаси ҳузуридаги Қимматли қоғозлар бозорини мувофиқлаштириш ва ривожлантириш маркази билан келишилган.
Марказий банк раиси Ф. МУЛЛАЖОНОВ
Давлат рақобат қўмитаси ҳузуридаги Қимматли қоғозлар бозорини мувофиқлаштириш ва ривожлантириш маркази бош директори Б. АТАХАНОВ
Тошкент ш.,
2016 йил 16 январь,
2016 йил 15 январь
1/2-сон
Oʻzbekiston Respublikasi Markaziy banki Boshqaruvining
Qarori
Banklarning depozit (omonat) sertifikatlarini chiqarish va muomalada boʻlish tartibi toʻgʻrisidagi nizomga oʻzgartirish va qoʻshimchalar kiritish haqida
Oʻzbekiston Respublikasining “ Oʻzbekiston Respublikasining Markaziy banki toʻgʻrisida ”gi va “ Qimmatli qogʻozlar bozori toʻgʻrisida ”gi qonunlariga muvofiq Oʻzbekiston Respublikasi Markaziy banki Boshqaruvi qaror qiladi:
1. Oʻzbekiston Respublikasi Markaziy banki Boshqaruvining 2008-yil 14-avgustdagi 17/2-son qarori (roʻyxat raqami 1859, 2008-yil 24-sentabr) (Oʻzbekiston Respublikasi qonun hujjatlari toʻplami, 2008-y., 39-son, 400-modda) bilan tasdiqlangan Banklarning depozit (omonat) sertifikatlarini chiqarish va muomalada boʻlish tartibi toʻgʻrisidagi nizomga ilovaga muvofiq oʻzgartirish va qoʻshimchalar kiritilsin.
2. Mazkur qaror rasmiy eʼlon qilingan kundan eʼtiboran kuchga kiradi.
Oʻzbekiston Respublikasi Markaziy banki Boshqaruvining 2016-yil 16-yanvardagi 1/2-sonli qaroriga ILOVA
Banklarning depozit (omonat) sertifikatlarini chiqarish va muomalada boʻlish tartibi toʻgʻrisidagi nizomga kiritilayotgan oʻzgartirish va qoʻshimchalar
1. Muqaddima quyidagi tahrirda bayon etilsin:
“Mazkur Nizom Oʻzbekiston Respublikasining “Oʻzbekiston Respublikasining Markaziy banki toʻgʻrisida”gi, “Banklar va bank faoliyati toʻgʻrisida”gi, “Qimmatli qogʻozlar bozori toʻgʻrisida”gi qonunlariga muvofiq tijorat banklari tomonidan depozit (omonat) sertifikatlarini chiqarish va muomalada boʻlish tartibini belgilaydi.”.
2. 1-band quyidagi tahrirda bayon etilsin:
“1. Mazkur Nizomda quyidagi asosiy tushunchalardan foydalaniladi:
depozit (omonat) sertifikati (bundan buyon matnda sertifikat deb yuritiladi) — bankka qoʻyilgan depozit (omonat) summasini va omonatchining (sertifikat saqlovchining) depozit (omonat) summasini hamda sertifikatda shartlashilgan foizlarni sertifikatni bergan bankdan yoki shu bankning istalgan filialidan belgilangan muddat tugaganidan keyin olish huquqini tasdiqlovchi noemissiyaviy qimmatli qogʻoz;
tsessiya — sertifikat boʻyicha talab qilib olish huquqidan boshqa shaxs foydasiga voz kechish;
tsedent — sertifikat boʻyicha talab qilib olish huquqidan boshqa shaxs foydasiga voz kechayotgan tomon;
tsessionariy — sertifikat boʻyicha talab qilib olish huquqini olayotgan tomon.”.
3. 9-bandning birinchi xatboshisidagi “1 — 3 ilovalar” degan soʻzlar “1 va 3-ilovalar” degan soʻzlar bilan almashtirilsin.
4. 10-bandning birinchi xatboshisidagi “talab qilib olish huquqidan boshqa shaxs foydasiga voz kechish (tsessiya)” degan soʻzlar “tsessiya” degan soʻz bilan almashtirilsin.
5. 11-band quyidagi tahrirda bayon etilsin:
“11. Sertifikat blankasida sertifikatni chiqarish va uning muomalada boʻlish shartlari (bundan buyon matnda chiqarilish shartlari deb yuritiladi), shu jumladan tsessiyani rasmiylashtirish hamda sertifikat yoʻqotilganda uni qayta tiklash tartibi aks ettirilgan boʻlishi lozim.”.
6. 19-band quyidagi tahrirda bayon etilsin:
“19. Sertifikat blankalari Qimmatli qogʻozlar blankalariga qoʻyiladigan texnik talablar toʻgʻrisidagi nizom (roʻyxat raqami 1312, 2004-yil 17-fevral) talablariga muvofiq tayyorlanadi.”.
7. 21 va 22-bandlar quyidagi tahrirda bayon etilsin:
“21. Depozit sertifikati boʻyicha tsessiya faqat yuridik shaxslar oʻrtasida rasmiylashtiriladi.
22. Omonat sertifikati boʻyicha tsessiya faqat jismoniy shaxslar oʻrtasida rasmiylashtiriladi.”.
8. 24-band quyidagi tahrirda bayon etilsin:
“24. Sessiya sertifikatning orqa tomonida yoki qoʻshimcha varaqlarda (ilovalar) tsedent va tsessionariyning ikki tomonlama bitimi bilan rasmiylashtiriladi.
Depozit sertifikati boʻyicha tsessiya har bir tomondan shu kabi bitimlarni amalga oshirish uchun yuridik shaxs tomonidan vakolat berilgan ikki nafar shaxs tomonidan imzolanadi va yuridik shaxslarning muhrlari (muhrlar mavjud boʻlgan taqdirda) bilan tasdiqlanadi.
Omonat sertifikati boʻyicha tsessiyani har ikki tomon shaxsan imzolaydi.
Har bir tsessiya tsedent tomonidan raqamlanadi.
Sessiyani rasmiylashtirish uzluksiz boʻlishi shart.”.
9. 25-banddagi “Sertifikat boʻyicha talab qilib olish huquqidan boshqa shaxs foydasiga voz kechish” degan soʻzlar “Sessiya” degan soʻz bilan almashtirilsin.
10. 26-band “imzolanishi va muhrlanishi” degan soʻzlardan keyin “(muhr mavjud boʻlgan taqdirda)” degan soʻzlar bilan toʻldirilsin.
11. 27-band “bankda” degan soʻzdan keyin “yoki uning filialida” degan soʻzlar bilan toʻldirilsin.
12. 28-banddagi “Talab qilib olish huquqidan boshqa shaxs foydasiga voz kechilganda (tsessiyada)” degan soʻzlar “Sessiya rasmiylashtirilganda” degan soʻzlar bilan almashtirilsin.
13. 31-band quyidagi tahrirda bayon etilsin:
“31. Sertifikat saqlovchisi tomonidan bankka toʻlab berish uchun taqdim etilgan sertifikatlarda tsessiyalar mavjud boʻlsa, bank tsessiyalarning rasmiylashtirilishi va uzluksizligini tekshiradi. Bunda:
omonat sertifikatlari boʻyicha — oxirgi tsessiyada qayd etilgan shaxsning familiyasi, ismi, sharifi va imzosi, sertifikatni toʻlab berishni soʻrab yozilgan arizadagi shaxsning familiyasi, ismi, sharifi va imzosiga mos kelmagan taqdirda, sertifikat saqlovchisi tomonidan merosga boʻlgan huquq toʻgʻrisidagi guvohnoma (yoki uning notarial tasdiqlangan nusxasi) yoki belgilangan tartibda rasmiylashtirilgan ishonchnoma;
depozit sertifikatlari boʻyicha — oxirgi tsessiyada qayd etilgan tsessionariy vakolatli shaxsining imzosi, nomi va muhri (muhr mavjud boʻlgan taqdirda) sertifikat toʻlab berilishi haqidagi arizada vakolatli shaxs imzosi, yuridik shaxsning nomi, muhri (muhr mavjud boʻlgan taqdirda) mos kelmagan taqdirda, sertifikat saqlovchisi tomonidan sertifikat summasini talab qilib olish huquqini tasdiqlovchi hujjat(lar) taqdim etilishi lozim.
Sertifikat saqlovchisi tomonidan taqdim etilgan sertifikat summasi boʻyicha talab qilib olish huquqini tasdiqlovchi hujjat(lar) yoki uning nusxasi bank tomonidan toʻlab berilgan sertifikatga qoʻshib tikib qoʻyiladi.”.
14. 33-band quyidagi tahrirda bayon etilsin:
“33. Sertifikat boʻyicha foizlarni hisoblash Tijorat banklarida foizlarni hisoblash toʻgʻrisidagi nizomga (roʻyxat raqami 1306, 2004-yil 30-yanvar) muvofiq amalga oshiriladi.”.
15. Ushbu oʻzgartirish va qoʻshimchalar Oʻzbekiston Respublikasi Davlat raqobat qoʻmitasi huzuridagi Qimmatli qogʻozlar bozorini muvofiqlashtirish va rivojlantirish markazi bilan kelishilgan.
Markaziy bank raisi F. MULLAJONOV
Davlat raqobat qoʻmitasi huzuridagi Qimmatli qogʻozlar bozorini muvofiqlashtirish va rivojlantirish markazi bosh direktori B. ATAXANOV
Toshkent sh.,
2016-yil 16-yanvar,
2016-yil 15-yanvar
1/2-son